Тексты башкирских песен

Йәшлегемә ҡайтып барам - Гафаров Фидан

Йәшлегемә ҡайтып барам,

Мөхәббәтем янына.

Уйҙарымдың зәңгәренә,

Хыялымдың алына,

Мөхәббәтем янына.

Ул оҙатып ҡалды мине,

Оло юлдың сатында .

Уттар яна, туптар шартлай,

Ине шәфәҡ артында,

Ине шәфәҡ артында.

Рәхмәт һиңә, мөхәббәтем,

Үлемдәрҙән һаҡланың.

Үлемдәрҙән һаҡланың да,

Тик үҙеңде тапманым,

Тик үҙеңде тапманым.

Юл буйында ҡаршыланы

Аҡ күлдәкле ҡайындар.

Аҡ күлдәкле ҡайындарҙа

Ҡара шәлле ҡайғы бар.

Аҡ күлдәкле ҡайындар.