Сәхрәләрҙә яңғыҙ йөрөгән саҡта,
Яратам мин сәскә еҫтәрен.
Бүләк итәм, бәғрем, ал тартынма ал һин,
Йәшлегемдең ҡайнар хистәрен.

Сәхрәләрҙә яңғыҙ йөрөгән саҡта,
Мин дә һөйәм сәскә еҫтәрен.
Тап төшөрмәм,бәғрем, тап төшөрмәм уға,
Шаһит булыр барлыҡ дуҫтарым.

Сәхрәләрҙә яңғыҙ йөрөгән саҡта,
Елдәр иҫеп сәсте тарата.
Бәхет бит ул, дуҫтар, шуны онотмағыҙ,
Ул саф йөрәктәрҙе ярата.