Аңлатырга йөрәк хисләремне,
Җитми сүзләрем.
Үзең аңла, үзең генә аңла
Сүзләрсез, сүзләрсез.
Җырласам назлап,
Тибрәтә алам күңелең кылларын,
Үзең генә аңла, син үзең аңла,
Ник моңлы җырларым.

Яратам, яратам, яратам
Мин сине яратам.
Сагынам, сагынам, сагынам,
Булмасаң сагынам.

Йөрәгемә сүнмәс ялкын салдың,
Син җаным, син җаным.
Язмышымның иң зур бүләге син
Йөрәгем, йөрәгем.
Бәхетле иттең, бәхетле иттем,
Син мине, мин сине.
Җил - давыл тимәс гел бергә булсак
Бәхетем син минем.