Йәнкәй-йәнәш китте, ай, һунарға,
Ашҡаҙарҡай буйы ла шәшкегә.
Шәшкеләргә китеп, вафат булды,
Башҡынайым ҡалды ла йәш кенә.

Атҡайҙарға менеп, теҙген тотҡас,
Мылтыҡҡайын бирҙем дә ҡулына.
Күрә алмаҫтай булып, ҡарап китте,
Киткән икән үлем дә юлына.

Ҡайтты ла ғына тиеп, ишек асһам,
Аҡ бурҙайы тора ла, үҙе юҡ.
Күҙкәйҙәрен текләп миңә ҡарай,
Һөйләр ҙә ине, теле-һүҙе юҡ.

Ишеккәйем алды керелсәгә
Сығайым да тиһәм, таянам.
Төштәремдә күреп, ай ҡыуанам,
Һуҙ әйтәйем тиһәм, уянам.