Дүңгәүер - Башҡорт халыҡ йырҙары


Боғаҙаҡҡай күлдең, ай, буйында
Сәйфелмөлөк күрҙе ятҡаным.
Түрәләргә барып ошаҡлаған
Өйкәйемә кире ҡайтҡаным.

 

Боғаҙаҡҡай күлде өс ураным,
Ҡамыштары уның бәйләнгән.
Хуш бул инде, Боғаҙаҡ күлдәре,
Инде һиңә килеп әйләнмәм.

 

Боғаҙаҡҡай күлгә ҡармаҡ һалдым,
Ҡармағыма сабаҡ ҡапманы.
Сабаҡ ҡына кеүек килеп ҡаптым,
Ҡотолоу юлҡайҙарын тапманым.

Тональность


Google Analytics