Димдә тыуҙым, Димдә үҫтем,

Еләк йыйҙым туғайҙа.

Эй-й, йәмле Дим буйы,
Бик һағыңдым был юлы.

Матур һыуҙар бик күп булыр,

Димдән матур һыу ҡайҙа?
Эй-й, йәмле Дим буйы,
Бик һағындым был юлы.

Димдә үҫтем, һыуын эстем,

Бесән саптым сабында.

Эй-й, йәмле Дим буйы,
Бик һағындым был юлы.

Ожмахтарың -— бер яғыңда,

Димдә йөрөгән сағыңда.

Эй-й, йәмле Дим буйы,
Бик һағындым был юлы.

Һыуын эстем, аша кистем,

Ҡармаҡ һалдым ярынан.
Эй-й, йәмле Дим буйы,
Бик һағындым был юлы.

Тыуып-үҫкән Дим буйҡайы

Йәнгә яҡын барынан.

Эй-й, йәмле Дим буйы,
Бик һағындым был юлы.